Boris Johnson Piştgirîyê Dide Plana Trump

Serokwezîrê Brîtanya Boris Johnson piştgirî da plana Serok Donald Trump ya ser aştîya Rojhilata Navin.

Berdevikê Johnson da zanîn ku Johnson û Trump axifîne û wî dîyar kiriye ku plana ser Rojhilata Navîn dê bi awayekî erênî bandorê li siberojê bike’’

Johnson û Trump, demeke kin berî eşkerebûna planê jî axifîbûn.

Li gor plana Trump, temamê Orşelîmê dê bibe paytexta Îsraîlê û Fîlîstîn jî dê heta çar salan dewleteke serbixwe ava bike.

Karbidestên Îsraîlê didin zanîn ku plana Trump dikare rêya aştîyê veke û li alîyê din Fîlîstînî jî dibêjin ku ew plan pûç e.