Bi berdewamîya Qonaxa 32yan a Cama Cîhanê re, heyecan gihîşt lûtkeyê ji ber ku duh Duşemê du maç bi penaltîyan bidawî bûn.
Almanyayê li dijî Paraguayê lîst û Holendayê jî li dijî Mexrib lîst. Maçên herdu tîman jî heta deqeya dawî wekî hev (1-1) man. Ji ber vê yekê, ew çûn fînala penaltîyan da ku wekhevîyê bişikînin. Di dawîyê de, her du tîmên mezin di penaltîyan de têk çûn û ji Cama Cîhanê derketin.
Stêrka Kurd Denîz Undav di tîma Almanyayê de ji bo cara yekem wekî lîstikvanê serekî lîst.
Di lîstika Brazîl û Japonê de jî, tîma Asyayî di nîvê yekem de bi golekê derket pêş. Lê belê, Brazîl di nîvê duwem de vegerîya. Casemiro encam kir 1-1 û lîstikvanê Arsenalê Gabriel Martinelli di xuleka 96'an de golek avêt. Lîstik bi encama 2-1 bidawî bû û Brazîl derbasî qonaxa 16'an bû.
Maçên îro Sêşemê dê diyar bikin ka kîjan tîm derbasî Qonaxa 16'an dibin.
Tîma Norwêcê ya bi rêbertîya Erling Haaland li dijî Ivory Coast dilîze.
Tîma Fransayê jî bi serkêşîya stêrka xwe Kylian Mbappé derdikeve pêşberî Swêdê.
Welatê mêvandar Meksîk jî, ku di qonaxa koman de qet têk neçû, îro li dijî Ekuadorê dilîze.