Çavuşoglu: Civîna Sêqolî ya bi Swêd û Fînlandîya Bê Wate Ye

Wezîrê Derve yê Tirkîyê Mevlut Çavuşoglu îro Pêncşemê dîyar ku lidarxistina cîvîneke sêqolî ya bi Swêd û Fînlandîya re bê wate ye.

Ev berteka Çavuşoglu li dû protestoyên li Swêdê yên dijî Tirkîyê tê û vekişîna Enqerê ji civîna sêqolî tê.

Çavuşoglu di preskonferansekê de dîyar kir ku niha ser endamtîya Swêd û Fînlandîya ya li NATO tiştekî cuda tune.

Serokwezîrê Swêdê Ulf Kristersson piştî Tirkîye ji danûstandinan vekişîbû gotibû ku ew dixwazin danûstandinên bi Enqerê re bidomînin.

Swêd û Fînlandîya piştî şerê Rûsya û Ukrayna serî li NATO dan ku bibin endamên tifaqê.

Tirkîyê îdia kiribû ku Swêd û Fînlandîya bo terorîstan mazuvanîyê dikin û dijî endamtîya wan sekinîbû.

Di NATO de 30 endam hene û bo welatên nû werin qebûlkirin divê ew bi yekdengî werin pejirandin.

Jêder: Reuters