WASHINGTON – Hêzên Fermandarîya Navendî ya Amerîkayê (CENTCOM)ê ragihandin ku heta 7’ê Hezîranê, di çarçoveya sepandina dorpêça li dijî Îranê de, arasteya 132 keştîyên bazirganî hatiye veguhastin û 6 keştî jî, ji ber tedbîrên binpênekirina fermanên dorpêça Amerîkayê ya li ser benderên Îranê, hatine rawestandin.
CENTCOM'ê li ser platforma xwe ya X'ê dîsan ragihand ku li ser keştîya şer a Amerîkî ya USS Michael Murphy (DDG-112), bi şêweyekî çalak, tevî mûşekên arastekirî, keştîyên bazirganî şopandin dema ku li Deryaya Erebî çavdêrîya xwe ya deryayî berdewam dikir.
Di heman demê de, leşkerên deryayî yên Amerîkayê li ser Keştîya Firokhilgir a USS George H. W. Bush (CVN-77) çalakîyên xwe yên firînên şevê pêk anîn dema ku di deryaya Erebî de derbas dibû.
Li gorî agahîyan, USS George H. W. Bush (CVN-77) yek ji du keştîyên cengê yên firokhilgirên Amerîkî yên ku niha li Rojhilata Navîn di çalakîyên leşkerî de ye, ku ev yek weke nîşana zêdekirina amadebûna leşkerî ya Washington'ê li herêmê tê dîtin.