Fermandarê Fermandarîya Navendî ya Amerîkayê (CENTCOM) Brad Cooper îro Pêncşemê ragihand ku bi kuştina fermandarekî payebilind ê rejîma Îranê Rojhilata Navîn ewletir dibe.
Cooper di daxuyanîyekê de got: "Kuştina fermandarê hêza deryayî ya Pasdarên Şoreşa Îslamî ya Îranê, Admîral Elîreza Tangsîrî, di êrîşeke asmanî ya Îsraîlî de herêmê ewletir dike."
"Tangsîrî heşt salan fermandarîya hêza deryayî ya IRGC (Pasdarên Şoreşa Îslamî ya Îranê) kir. Di wê demê de, IRGC bi hezaran keştîyên bêsûc aciz kirine û êrîşî bi sedan keştîyan bi rîya dron û mûşekan kirine. Herwiha, bi sivîlên bêsûc bê hejmar kuştine," Cooper got.
Tangsîrî di sala 2019'an de wekî 'Terorîstekî Navnetewî' ji alîyê Wezareta Xezîneya Amerîkayê ve hatibû destnîşankirin. Di sala 2014'an de jî sizayên nû yên girêdayî pêşxistina dronan li ser hatibûn danîn.
Serokwezîrê Îsraîlê Benjamin Netanyahu îro Pêncşemê ragihand ku artêşa Îsraîlê Tangsîrî di êrîşeke Çarşemê bi şev de kuştîye.