Ajansa Nûçeyan ya fermî Xinhua ragihand ku îro Pêncşemê li kargehek pêlavan ya li eyaleta Fujian ya li rojhilatê Çînê şewateke derketîye û di encamê de 28 kes mirine.
Serokê Çînê Xi Jinping fermana"xebatên lêgerîn û rizgarkirinê yên berfireh" da. Wî hevdem daxwaz kir ku “di derbarê şewata kujer de demûdest lepirsînek were destpê kirin” û “ji berpirsan bi awayekî tund hesab were pirsîn.”
Sazîya agirkujîyê ya bajêr bî daxuyanîyekî ragihand ku şewat li kargehek pêlavan ya ku girêdayê kompanîya Huiteng a bajarê Jinjiang dest pê kir.
Sedema şewata li kargehê hîn dîyar nebûye.
Hat ragihanin ku dema şewat derketîye, di avahîyê de 237 karker û du mêvan bi giştî 239 kes hebûn.
Li gor Xinhua, 213 kes hatine rizgar kirin, lê 28 kesan jiyanên xwe ji dest dane.
Ajansê got ku xwedîyê kargehê û berpirsên din hatine desteser kirin û hesabên kompanîyê hatine cemidandin.
Jinjiang, bajarê ku agir rû daye, mîna paytexta pêlavan ya Çînê tê zanîn.