Civata Senatoran ya Amerîka îro Înê David Satterfield wek Balyozê Amerîka li Enqerê pejirand.
Li ber e ku Satterfield di demeke kin de here Enqerê û dest bi kar bike.
Serokê Amerîka Donald Trump, Satterfield di meha Sibatê de bo balyozbûnê kiribû berbijar.
Komîteya Peywendîyên Derve yên Civata Senatoran di 11’ê Nîsanê de Satterfield guhdar kiribû û di 3’yê Gulanê de ew pejirandibû.
Satterfield, di îfadeya xwe de gotibû ku ‘’Tirkîyê bi sitandina S-400 bo bernamaya xwe ya F-35 metirsî çêkir, ger ez bibim balyoz ezê hewil bidim ku Tirkîye biryara rast bide’’
Balyoz Enqerê yê berê John Bass di Cotmeha 2017’an de karê xwe temam kiribû û piştî bi qasî sal û nîvekê ti balyoz nehatibû erkdar kirin.