Serokê Fransayê Emmanuel Macron îro Yekşemê civîneke lezgîn bi endamên hikûmeta fransî re pêk anî da ku krîza xwepêşandan û nerehetîyên ku welat dibîne were nirxandin, berî peyama xwe ya ku dê îro di saet 8:00 ê şevê de arasteyî gelê Fransa re bike.
Civîna lezgîn di dema ku xwepêşandanên ku li seranserê Fransayê belav bûn li dijî zêdebûna bihayan û kêmbûna xizmetên giştî li gelek bajarên Fransa veguherîne tundûtûjî û bêaramîya giştî de hat lidarxistin.
Ajansa Reuters ragihand ku li hin bajaran agir li avahîya şaredarîyan hat berdan, dikan û navendên bazirganî hatin talan kirin, dîwarên avahîyan bi grafîtî û nivîsên protestoyê hatin dagirtin, û komên tundraw bi hêzên polîs re ketin pevçûnan.
Nationwide protests in France against the cost of living
Li gorî Reuters, yek ji xwepêşanderan di dema xwepêşandanên li Parîsê de rastî kirîza dil bû û jiyana xwe ji dest da.
Li seranserê Fransa jî, Wezîrê Navxweyî yê Fransî ragihand ku polîsan zêdetirî 2,000 kes girtine, herwiha zêdetirî 600 endamên hêzên polîsê di bûyeran de birîndar bûne.
Ajansa AFP ragehand ku li gorî berpirsên fransî, tawanbariya tundûtûjiya ku di dema xwepêşandanan de çêdibe bi giranî li ser milê çepê yê tundraw tê danîn. Ev bûyer di demekê de pêk tê ku Fransa xwe ji bo hilbijartinên serokatîyê yên ku di 18'ê Nîsana 2027'an de tên kirin amade dike.
Serokê Fransayê Emmanuel Macron doh Şemîyê li ser platforma X'ê de nivîsî: "Di Komara me de cih ji bo tundûtûjîyê tune ye. "
Your browser doesn’t support HTML5
Xwepêşandanên Parîsê yên Şeva Borî