Bihayên petrolê li bazarên cîhanê ji bo roja sêyemîn li pey hev daketin, piştî ku Qeterê ragihand di danûstandinên nerasterast yên Amerîka û Îranê de li Dohayê "pêşketinên erênî" hatine tomarkirin.
Bihayê petrola Brent daket nêzîkî 70 dolarî ji bo her bermîlekê. Ev jî asta herî nizm e ji dawîya meha Sibatê ve.
Danûstandinên vê hefteyê li ser bingeha bicihanîna Yadaştnameya Lihevtêgihîştinê di navbera Amerîka û Îranê de hatin kirin.
Qeter got ku civînên teknîkî bi encamên erênî bidawî hatin, lê Îranê diyar kir ku pêşketina danûstandinan girêdayî cîbicîkirina mercên peymanê ye.
Yek ji xalên sereke yên Yadaştnameya Lihevtêgihîştinê ew e ku Îran pêgirî mercên derbasbûna ewle ya keştîyên bazirganî di Tengava Hormuzê be. Ev tengav yek ji girîngtirîn rêyên veguhestina petrolê li cîhanê tê hejmartin.
Serokê Amerîkayê Donald Trump nûnerên taybet ên erkên aştîyê Steve Witkoff û Jared Kushner şandibûn Qeterê, ku roja Sêşemê li wir bi Serokwezîr û Wezîrê Derve yê Qeterê Şêx Mihemed bin Ebdulrehman bin Casim Al-Sanî re civîyan.