Wezareta Berevanîya Mîrgehên Erebî yên Yekgirtî (Îmarat) îro Sêşemê ragihand ku ku sîstema wê ya esmanî êrîşên 10 mûşek û 45 dronan pûç derxistine.
Wezareta Îmaratê da zanîn ku dengên li deverên cuda yên welêt têne bihîstin, ji encama bersivdana sîtstema berevanîya esmanî bûne, dema ku mûşekên êrîşên balîstîk û dronan ên Îranê pûç dikin.
Wezaret got: "Di encama van êrîşan de du endamên hêzên çekdar dema ku erkê xwe yê neteweyî pêk dianîn hatin şehîdkirin û şeş sivîlên ji neteweyên Pakistanî, Nepalî, Bangladeşî û Filistînî hatin kuştin. Herwiha, 157 kes birîndar bûn."
Wezaret herwiha diyar kir ku di nav qurbanîyên êrîşên Îranê de welatîyên Îmaratî û ên 28 welatên din hebûn.
Wezareta Îmaratî dibêje ku berevanîya hember êrîşên Îranî didomin û ewê artêşa Îmaratê welêt ji her êrîşekê biparêze.
Hêjayî bîrxistinê ye ku ji dema destpêkirina êrîşên hevbeş ên Amerîka û Îsraîlê di 28'ê Sibatê de ser rejîma Îranê, rejîm welatên Kendavê û ên cîran bi êrîşên bêserûber dike armanc. Heta niha bi dehan sivîl di van êrîşên Îranê de hatine kuştin û birîndar bûne.