Şeva Çarşemê, êrîşek li ser baregeha Komeleya Zehmetkêşên Kurdistanê li Sûrdeşê ya nêzîkî Silêmanîyê, hatiye kirin.
Emced Hisên Panahî, endamê Komeleya Zehmetkêşên Kurdistanê, êrîşe bo Dengê Amerîka piştrast kir û got, “Êrîş bi mûşekan rasterast li ser çeperên me yên Pêşmerge hatiye kirin."
Wî got, "Me berî niha û ji ber gefên êrîşan çeperên xwe vala kiribûn, ji ber vê yekê ti qurbanî çênebûn."
Di dema êrîşên Amerîka û Îsraîlê yên dijî rejîma Îranê de, Îranê gelek caran baregehên partîyên Kurdên Îranê li Herêma Kurdistana Îraqê kirine armanc.