Artêşa Kuweytê îro roja Pêncşemê ragihand ku Îranê avahîya kompanîyeke Çînî li bakurê welêt kir armanc. Di êrîşê de karkerek hate kuştin û zirarên madî yên giran li avahîyê çêbûn.
Berdevkê fermî yê Wezareta Berevanîyê ya Kuweytê, Kolonel Saud Ebdulezîz El-Etwan, di daxuyanîyekê de li ser platforma X'ê diyar kir ku rayedarên têkildar dest bi tedbîrên pêwîst û çareserkirina rewşê bi hevkarîya alîyên peywendîdar kirin.
Berdevk piştrast kir ku Hêzên Çekdar ên Kuweytê erk û berpirsyarîyên xwe bi karîgerîyeke bilind pêk tînin û hemî tedbîrên pêwîst digirin da ku serwerîya welêt biparêzin û ewlehî û aramîya wê biparêzin.
Li Urdunê jî, artêşê îro Pêncşemê ragihand ku wan pênc mûşekên Îranî yên ku ber bi axa Urdunê ve dihatin, xistine xwarê. Artêşa welêt herwiha piştrast kir ku ti birîndar an qurbanî ji ber êrîşê nebûn.