Wezareta Petrolê ya Îraqî îro pênşemê ragihand ku Kompaniya Petrolê ya Bakur peymanek bi kompaniya Amerîkî HKN re îmze kir da ku zeviya petrolê ya Hamrînê pêş bixe.
Di merasîma îmzekirinê de, Wezîrê Petrolê Basim Mihemed El-Ebadî tekez kir ku îmzekirina peymanê li gorî nêrîn û stratejiya hikûmetê ye ji bo bidestxistina baştrîn weberhênana di sektora petrol û gazê de, bi vî rengî pêdiviyên bazara navxweyî bicîh tîne û hinardekirinê zêde dike.
Li gor Wezîr El-Ebadî armanc ew e ku hilberîna zeviyê di asta herî bilind de bigihîne 140,000 bermîlan di rojê de, ji bilî hilberîna zêdetirî 12 mîlyon metrên sêcar ên gaza şil di rojê de.