Serokwezîrê Îraqê, Elî Zeydî, û Serokê Sûrîyê Ehmed Şeri’, êvarê Sêşemê li New Yorkê, di çarçoveya civînên Civata Giştî ya xula 81'an ya Neteweyên Yekbûyî (UNGA) de, civînek li dar xistin.
Di civînê de, herdu aliyan rewşa giştî ya herêmî û navneteweyî nirxandin û li ser têkiliyên du aliyan û rêyên pêşxistina wan li gorî berjewendiyên hevbeş di warên cuda de axivîn.
Herwiha, hewlên piştgirîkirina aramiyê û kêmkirina asta girjîyan li herêmê hatin gotûbêjkirin.
Balyozê Wîlayetên Yekbûyî yên Amerîkayê li Tirkîyê û nûnerê taybet ji bo Îraq û Sûrîyê, Tom Barrak, peyama nivîsî ya nivîsgeha serokwezîrê Îraqê li ser platforma X ji nû ve weşand.
Barrak di peyama xwe de nivîsand:“Bi rêberiya hevbeş û bi dîtineke hevpar, Îraq û Sûrîye bi hev re têkiliyeke ji bo hevkarî, aramî û geşepêdana hevpar ji bo gelên xwe ava dikin.”
Civîna li New Yorkê di çarçoveya hewldanên dîplomatîk de pêk tên, ku armancên wan pêşxistina hevkariyê di navbera Îraq û Sûrîyê de û piştgirîkirina aramiyê li herêmê ye.