Îro li gundê Bapiştyanê yê Îdareya serbixwe ya navçeya Soranê dronek bi ser mala welatîyekî de ket lê ti ziyanên canî nînin.
Bi farmî derbarê eslê dronê û armanca wê de ti hûrgilîyên din nehatin dayîn. Lê Kirmanc Îzzet, Şaredarê berê yê Soran ji Dengê Amerîka re diyar kir ku ew dron wesa xuyaye ji Îranê dihat û kete mala welatîyekî xelkî deverê û zîyan gihande mala wî.
Îzzet got ku, dronên Îranî herêma Kurdistanê kirîye armanc, û ev herêmê berê jî êrişên Îranî dîtine
Tê zanîn Hikumeta herêmê di meha 4 Nîsanê de êrîşên bi droneyan li ser axa Kurdistanê şermezar kirbûn tevî agirbesta di navbera Washingtonê û Tehranê de.
Wezareta Pêşmerge ya Hikûmeta Herêma Kurdistanê di dawîya meha 3 Adarê îşaret bi rejîma Îranê da û ragihand ku li navçeya Soranê di du êrîşên cuda yên mûşekên balîstîk ên li ser hêzên Pêşmerge de, 6 Pêşmerge hatin kuştin û 30 jî birîndar bûn.