Serokê Îsraîlî Isaac Herzog roja Yekşemê beşdarî vekirina Muzexaneya Netewî ya Holokastê li Amsterdamê dibe, di nav protestoyeke plankirî de li dijî kuştina bi deh hezaran Filistînî ji aliyê Îsraîlê ve li Gazayê.
Muzexaneyê ji medyayê re got ku wê Herzog vexwendiye berî êrîşa Hamasê ya 7ê Cotmehê ya li ser Îsraîlê û êrîşa Îsraîlê ya li ser Gazayê ku gelek taxên wê wêran bûne.
Wê di daxuyaniyekê de got ku ew dizane ku beşdarbûna Herzog pirsan zêde dike, lê got ku ew nûnertiya welatê ku rizgarbûyên Holendî yên Holokostê koçê kirine, dike.
Rêxistina cihû ya Holendî ya dijî siyonîst Erev Rav got: "Em xemgîniya xwe ya kûr derbarê vekirina Muzexaneya Neteweyî ya Holokostê a Hollandayê de, ku tê plankirin ku serokê Îsraîlî Herzog tê de beşdar be, diyar dikin."
Ew bi Civaka Filistînî ya Holendî û ya Sosyalîst a Navnetewî re xwepêşandanekê organîze dike.
Her wiha destnîşan kir ku dema ew rêzê li bîranîna qurbaniyên Holokostê digre, lê ew nikare berdewamiya şer li Gazayê qebûl bike.
Nîkaragua hefteya borî serî li Dadgeha Dadmendiyê ya Navnetewî dabû da ku tevlî Afrîkaya Başûr bibe di sûcdarkirina jenosîda Îsraîlê ya li dijî Filistîniyan de.
Hin gotinên Herzog ji aliyê Afrîkaya Başûr ve di dozê de hatine binavkirin. Wî berê jî gotibû ku ne tenê mîlîtan, lê "tevahiya milet" berpirsê êrîşa 7ê Cotmehê ya li dijî Îsraîlê ye û dê Îsraîl şer bike "heta ku em pişta wan bişkînin".
Almanya di Şerê Cîhanê yê Duyemîn de şeş mîlyon Cihû kuştin. Îsraîla nûjen di sala 1948an de wek penageheke ewle ya Cihûyan hat damezrandin.
Çavkanî: Reuters