Wezîrê Parastinê yê Îsraîlê Israel Katz hişyarî da ku eger êrîşên Hizbullahê yên li ser bakurê Îsraîlê berdewam bibin, Îsraîl dê êrîşan li ser taxa Dahîya ya paytexta Libnan Beyrûtê, berdewam bike.
Di daxuyanîyekê de îro Duşemê, Katz got ku "Her hewldanek ji alîyê Îranê ve ji bo bikaranîna Libnanê di êrîşeke li ser Îsraîlê de dê bi tundîyeke mezin were bersivandin, mîna ku doh qewimî."
Ev daxuyanî piştî daxuyanîya Tehranê hat ya ku tê de gef kirin û got rewş aloztir bibe ger operasyonên leşkerî yên Îsraîlê di hundurê Libnanê de berdewam bibin.
Ji alîyê xwe ve Serokwezîrê Îsraîlê Benjamin Netanyahu di daxuyanîyekê de îro Duşemê got ku Îsraîl dê bi "tundî" bersiv bide ger Îran careke din êrîşî wê bike, û dîyar kir ku Tehran û Hizbullah a Libnanî ji her demê lawaztir in, lê tekez kir ku şerê bi wan re "hîn bi dawî nebûye."