Wezîrê Derve yê Amerîkayê Marco Rubio dê di navbera 6-8ê Gulanê de serdana Îtalyayê bike, li Romayê dê pirsa têkiliyên dualî bi rêberên Îtalyayê û Vatîkanê re gotûbêj bike.
Wezareta Derve di malpera xwe de daxuyanîyek derbarê serdana Rubio weşand û dibêje: Dê bi serokatiya Vatîkanê re bicive da ku rewşa Rojhilata Navîn û berjewendiyên hevbeş li wê herêmê bi giştî gotûbêj bike.
Vatîkanê jî got ku tê çaverêkirin ku papayê Vatîkanê Leo XIV roja Pêncşemê saet 11:30ê sibehê bi dema herêmî bi Rubio re bicive.
Reuters radigihîne ku tê çaverêkirin ku Wezîr Marco Rubio roja Înê bi Serokwezîr Meloni û Wezîrê Derve yê Îtalyayê Antonio Tajani re bicive.
Berdevkê Wezaretê Thomas “Tommy” Pigott dide zanîn ku Rubio dê bi rayedarên Îtalî re dê li ser berjewendiyên ewlehiya hevbeş û pirsên hevahengiya stratejîk biaxivin.