Şandeke partîyên Kurdî li Sûrîyê serdana Kurdistana Îraqê dikin jibo encamdana gotûbêjan li ser rewşa Sûrîyê û têkelîyên navbera herdu alîyan.
Sekretêrê Partîya Çep a Kurdî li Sûrîyê Mihemedê Mûsê, ku endam e di wê şandê de, gote Dengê Amerîka ku armanc di serdana wan de bo Kurdistana Îraqê encamdana giftûgoyan e bi hêzên Kurdistanî re derbarê rewşa Sûrîyê.
Birêz Mihemedê Mûsê herwhia dibêje ku em dixwazin mifayê ji tecrûba Kurdistana Îraqê bibînin û em hêvîya piştgîrîyê ji wan dikin.
Sekretêrê Partîya Çep got ku hêvîya me ne bitenê piştgîrîya sîyasî ye, lê belê piştgîrîya medyayî û piştgîrîya mirovatî jî.
Birêz Mihemed herwiha got ku genc û xortên me li Kurdistana Îraqê hatin tedrîb kirin, lê belê heta nuha derbasî rojavayê Kurdistanê nebûne.
