Sekreterê Giştî yê NATO Jens Stoltenberg dê serdana Tirkîyê bike.
NATO ragihand ku serdan dê îro Çarşemê destpê bike û heta siba Pêncşemê bidome.
Stoltenberg dê li Enqerê bi Serokê Tirkîyê Recep Tayyîp Erdogan û Wezîrê Derve Mevlut Çavuşoglu re bicive.
Piştî civînan, Stoltenberg dê here herêmên erdhejê.
Li gor ragihandina NATO, Stoltenberg û Çavuşoğlu dê di preskonferanseke hevbeş de biaxifin.
AFP’ê ragihand ku Stoltenberg xêncî piştgirîya bo erdhejê dê ji karbidestên Tirk bixwaze ku daxwaza Swêd û Fînlandîya ya bo endamtîya li NATO bipejirîne.
Jêder: AFP
