Wezîrê navxweyî yê Pakistanê Muhsin Neqwî di dema hevdîtinên roja Yekşemê (7ê Hezîranê) de li Tehranê bi Wezîrê Derve yê Îranê Ebas Eraqçî re nameyek ji bo Rêberê Bilind ê Îranê Ayetullah Mojtaba Xamineyî radest kir, di demekê de ku hewlên navbeynkariyê ji bo bidawîkirina şerê navbera Îran û Amerîka de, rawestiyane.
Name, ku ajansa nûçeyan a nîv-fermî ya Îranê ISNA got ku Neqwî wekî "nameyek taybet" ji serokê artêşa Pakistanê Asim Munîr û Serokwezîr Şehbaz Şerîf ji Xamineyî re bi nav kir.
Pakistan bi piranî di danûstandinên nerasterast ên di navbera Washington û Tehranê de li ser peymaneke demkî navbeynkarîyê dike ku dê şer rawestîne û pirsan, di nav de bernameya navokî ya Îranê, ji bo danûstandinan pêş bixe.
Lê peymanek hîn jî negihîştiye armanca xwe, di demekê de ku her du alî car caran pevçûnan dikin.
Şêwirmendê Xamineyî, Muhsin Rezayî, ji CNN re got ku peymaneke aştîyê grêdayî 24 milyar dolarên cemidandî yên Îranê ye.
Çavkanîyeke agahdar bi mijarê re ji ajansa Reutersê re got ku Wezîrê Xezîneyê yê Amerîkayê Scott Bessent tîmek erkdar kiriye da ku lêçûnên zirara ku ji hêla Îranê ve li hevalbendên Kendavê bûne, binirxînin û veguheztina pereyên Îranê bo nûavakirinên li wan welatan berçav bigirin.