Washington —
Wezareta Cengê ya Amerîkayê îro Înê ragihand ku wan ligel heft kompanîyan mezin ên hişberîya çêkirî (AI) peymanên nû îmze kirine.
Armanca vê gavê ew e ku leşkerîya Amerîkayê amûrên hişberîya çêkirî di karên xwe yên veşartî û nepenî de bikar bîne.
Wezaretê got ku "ev rêkeftin leşkerîya Amerîkî pêş ve dibin û AI dikin bingeha şer. Bi vê yekê, leşkerên Amerîkayê dê di şer de hîn zîrektir bin û zûtir biryarên serkeftî bidin."
Di vê rêkeftinê de heft kompanîyên herî mezin ên AI hene: SpaceX, OpenAI, Google, Nvidia, Reflection, Microsoft û Amazon.
Wezareta Cengê dibêje ku di çarçoveya vê peymanê de, ew dikarin bernameyên AI di karên asta şeş û heft de bikar bînin. Ev ast, karên herî girîng û herî nepenî yên arteşa Amerîkayê ne.