Papaya Vatîkanê Pope Francis huşdarî da li dijî çareseriyên “nedadmend” ên bidawîanîna şerê di navbera Îsraîlê û Filestîniya de.
Di axaftineke xwe ya îro Yekşemê di çarçoweya serdana xwe ya bajarê Barî yê Îtalî de, Francis xemên xwe der birîn li dor gelek cihên şer û nakokiyan, di nav de jî Rojhilata Navîn û Bakurê Afrîqayê.
Francis behsa çi pêşniyarên destnîşankirî nekir, lê got çareseriyên nedadmend wê nakokiya di navbera Îsraîlê û Filestîniyan de rastî kirîzên din bikin.
Tê zanîn ku pilana Amerîka ya aştiyê di navbera Îsraîlê û Filestîniyan de, maf dide Îsraîlê ku herêma Newala Urdunê tevlî xwe bike, li beramber desthilateke Filestînî li hin navçeyên sînordar.
Filestîniyan nerazîbûna xwe ji vê pilanê derbirî û Amerîka bi alîgiriya Îsraîlê tawanbar kir.