Serokê Rûsya Vladimir Putin ragihand ku wî û Serokê Tirkîyê Recep Tayyîp Erdogan ser agirbestekê li Îdlibê hevbîr bûn.
Putin dîyar kir ku hevdîtina wî ya ligel Erdogan pirtir ji şeş seetan berdewam kir.
Rûsya û Tirkîyê di şerê navxweyî de li alîyên dijber disekenin. Moskow dibêje ku ew berevanîya yekîtîya axa Sûrîyê dike û dijî ‘’komên terorîst’’ piştgirî dide hikûmeta Şamê.
Li alîyê din, Tirkîye piştgirî dide serhildayên Sûrî yên li herêma Îdlibê.
Girjîya di navbera Moskow û Enqerê de, bi kuştina 36 leşkerên Tirk yên li Îdlibê jinûve gur bûbû.
Moskow û Enqere hevdu bi binpêkirina Peymana Soçî tawanbar dikin.