Wezîrê Derve yê Tirkîyê Ahmet Davutoglu hişdarî da rejîma Sûrîyê û ji wê xwest ku bi zûtirîn dem operasyona leşkerî bi dawî bîne. Birêz Davutoglu herwiha got ku ev hişdarîye “gotina me ya dawîyê ye.”
Di hevpeyvînekê de ligel Dengê Amerîka, nivîskar û rojnamevan Mihemed Sanrî li Stenbolê dibêje, daxuyanîya birêz Davutoglu herwiha peyamek e bo Îranê, jiber ku Îran bi rastexwe piştgîrîya rejîma Sûrîyê dike.
Birêz Sanrî dibêje, “Tirkîye mecbûr e rêyekê bibjêre, yan dê rêya hevpeymanên xwe li NATO’yê û Yekîtîya Ewropayê û Amerîkayê bibjêre, yan rêya Sûrîyê û Hemas û Hizbullah bibjêre.”
Birêz Sanrî dibêje, “Tirkîye mecbûr e li gor bereyê NATO’yê û Yekîtîya Ewropayê û Amerîkayê hereketê bike.”
Jibo guhdarîkirina hevpeyvîna Hevkar Ahmed Barzanî bi birêz Sanrî re, lînka “Guhdarî kirin” li rexê rastê vê rûpelê kilik bike.