Serokê Amerîkayê Donald Trump ji welatîyên Amerîkayê xwest ku li ser guhertina navê hişberîya çêkirî (Artificial Intelligence) deng bidin.
Serok Trump îro Şemîyê li ser platforma Truth Social got: "Gelek kes hizir dikin ku navê 'hişberîya çêkirî' ne li gor standardan e." Ji ber vê yekê, wî çend navên nû pêşniyar kirin û ji welatîyan xwest ku bi rêya rapirsînekê dengê xwe bidin navê herî baş.
Serokê Amerîkayê ji bo şûna Hişberîya Çêkirî (AI) sê nav pêşniyar kirin: "Hişberîya Hêja", "Hişberîya Tund" û "Hişberîya Bilind."
Ji bo navê Înglîzî yê AI, dezgeh û medyayên Kurdî çend şêweyan bikar tînin, wekî "Hişberîya Çêkirî", "Zîrekîya Çêkirî" û "Jîrî Destkird" (bi Soranî).
Li Amerîka û seranserê cîhanê niha gelek nîqaş derbarê serederîya ligel vê teknolojîyê tên kirin.