WASHINGTON —
Serokê Amerîkayê Donald Trump ragihand ku ewê Todd Blanche ji bo posta Wezîrê Dadê bi awayekî fermî destnîşan bike.
Li gor malpera Axios, tê çaverêkirin ku belgeyên fermî yên berbijarkirinê îro Pêncşemê werin şandin.
Trump roja Çarşemê li Koşka Sipî got ku ew dixwaze Blanche, ku niha bi awayekî demkî Wezareta Dadê rêve dibe, bi awayekî mayinde li ser wê postê erkdar bike.
"Emê wî bikin Wezîrê Dadê yê mayinde," Trump di merasîmeke li Baxçeya Rose Garden ya li Koşka Sipî got.
Blanche berê wekî parêzerê taybet ê Trump kar kiribû û piştî derxistina wezîra berê Pamela Bondi di Nîsanê de, ew bû Wezîrê demkî yê Wezareta Dadê.
Eger Senatoya Amerîkayê destnîşankirina Blanche bipejirîne, ewê bi awayekî fermî bibe Wezîrê Dadê yê Amerîkayê.