Serokê Amerîkayê Donald Trump dibêje dibe ku gera duyem a danûstandinên di navbera Amerîka û rejîma Îranê de roja Înê destpê bike.
Rojnameya New York Post îro Çarşemê ragihand ku Serok Trump û çavkanîyên Pakistanî ji rojnameyê re got ku "nûçeyên baş" li ser gera duyem a danûstandinên di navbera Amerîka û Îranê de hene ku dibe roja Înê bên.
Çavkanîyên li Îslamabadê jî li ser pêşveçûna hewldanên navbeynkaran axivîn û got ku egera ji nû ve destpêkirina danûstandinan di 36 heta 72 demjimêrên pêş de zêde bûye.
Ev pêşketin tê rojekê piştî ku Serok Trump ragihand ku ewê agirbesta heyî bi rejîma Îranê re dirêj bike da ku zêdetir dem bide Tehranê ku pêşniyarekê bike.
Trump roja Sêşemê li ser platforma Truth Social got: "Min ferman da artêşa me ku dorpêçkirina xwe berdewam bike û di her warî de bi tevahî amade bimîne, ji ber vê yekê ez agirbestê dirêj dikim heta ku pêşniyara wan (Îran) were pêşkêşkirin û danûstandin bigihêjin encamekê."