Serokê Amerîkayê Donald Trump piştrast kir ku hêzên Amerîkayê êrîşek li ser armancek destnîşankirî ya Îranî pêk anîye.
Di axaftineke xwe de bi rêya telefonê ji bo bernameya Fox & Friends, Trump got ku hêzên Amerîkayê şeva borî bingehek berevaniya esmanî ya Îranê kire armanc û hilweşand. Wî got ku ev operasyon êrîşeke sînordar bûye, ev ne gaveke yekser a ji bo mezinbûna şer e.
Trump got ku Îranê nêzîkî du mehane li ser avakirina wê bingehê dest bi xebatê kirîye, û Amerîka di vê demê de çavdêriya avakirinê dikir. Wî got, piştî ku bingeh hate temamkirin, hêzên Amerîkayê operasyon pêk anîn û ew hilweşand.
Trump herwiha diyar kir ku piştî êrîşên berê yên Amerîkayê, Îranê êdî ne firokeyên şerker ên çalak hene û ne jî sistemên berevaniya esmanî yên karîger ma ne.
Trump hişyariyek da û operasyona leşkerî ya Amerîkayê li Venezuelayê wek nimûneyek anî û got ku hêza leşkerî ya Amerîkayê dikare pevçûnek bilez bidawî bike.
Trump got: "Îran jî dikare heman çarenûsê bibîne."
Wî herwiha got ku bernameya navokî ya Îranê metirsiyeke mezin bû, lê di heman demê de eşkere kir ku ew naxwaze şerekî mezin û dirêj dest pê bike.
Trump dibêje ku Amerîka dikare bilez li dijî Îranê hereket bike, lê armanc ne berfirehkirina şer e, belkî rawestandina metirsiya bernameya navokî ya Îranê ye.