Fermandarê Fermandarîya Navendî ya Amerîkayê (CENTCOM) Brad Cooper got ku artêşa Amerîkayê pêşketineke berçav di operasyonên dijî Îranê pêk tîne.
Cooper îro Pêncşemê li ser platforma X’ê ya CENTCOM’ê got: “Niha di hefteya 5emîn ya kempeynê de, nirxandina min ew e ku em pêşketineke bêguman bidest dixin.”
Fermandarê CENTCOM’ê herwiha diyar kir ku “Em nabînin ku hêza wan a deryayî dixebitin. Em nabînin firokên wan ên şer difirin. Sîstemên wan ên berevanîya asmanî û mûşekî bi piranî hatine wêrankirin.”
CENTCOM do Çarşemê ragihand ku ji destpêka Operasyona Hêrsa Dastanî ya dijî rejîma Îranê li 28'ê Sibatê ve, artêşa Amerîkayê li bêtirî 12,300 armancên Îranî dane. Di van êrîşan de bêtirî 155 keştîyên Îranî hatine wêrankirin an ziyan dîtine.
Serokê Amerîkayê Donald Trump Çarşemê bi şev di gotarekê de got ku di herdu hefteyên bê de dê Amerîka bi tundî li armancên rejîma Îranê bide.