Fermandarîya Navendî ya Amerîkayê (CENTCOM) îro Çarşemê hişdarî da sivîlan ku rejîma Îranê bênderên sivîl li ser tengava Hormuzê bo operasyonên leşkerî û gefxwarina li ser çûn û hatina keştîyên navneteweyî bikar tîne.
CENTCOM'ê di daxuyanîyekê de got: "Ev kiryara Îranê metisîyan li ser jiyana mirovên bêguneh peyda dike."
"Dema ku bênderên sivîl bo kiryarên leşkerî tên bikaranîn, ew parastina xwe ji dest didin, û li gor qanûna navneteweyî, dibin armancên leşkerî yên rewa," CENTCOM'ê got.
CENTCOM, sivîlên Îranê han dide ku bidemdest ji benderîn deryayî ewên leşkerê Îranê bikar tine dûr kevin, herwiha divê karkerên û karmend û karkerên keştîyên bazirganî ji keştî û alavên leşkerî yên deryayî yên Îranê dûr bikevin.
Hêzên deryayî yên Îranê keştî û alavên leşkerî di nav bênderên sivîlên ku xizmeta bazirganîya deryayî dikin, bicih kirine.
Tevî ku artêşa Amerîkayê nikare ewlehîya sivîlan li nav yan nêzîkî cihên artêşa Îranê bikar tîne misoger bike, lê hêzên Amerîkayê dê berdewam bin li ser gavên parastin an kêmkirina ziyanên sivîl.
CENTCOM bang li sivîlan li Îranê kir ku demûdest dûrî hemû navendên bênderan bikin, ewên ku hêzên Îranî lê kar dikin.