Buhayên petrola cîhanê îro roja Çarşemê guhertinek biçûk nîşan dan, di demekê de ku tê ragihandin hewldanek ji bo dirêjkirina agirbesta di navbera Amerîka û Îranê de heye.
Nîşanên serekî yên borsayên Amerîkî bi asteke kêm bilind bûn, piştî zêdebûna bazarên Japon û Hong Kongê.
Wezîrê Xezîneya Amerîka Scott Bessent got ku ew pêşbînî dike ku aborîya Amerîka ji ber şerê li Îranê di vê çarîka salê de sist bibe.
Bessent di hevpeyvînekê de ligel kanala CNBC got, rewşa aborî bi tevahî baş e û ew çaverê dike ku aborî hîn bêtir ber bi başbûnê ve biçe.
Sindoqa Diravî ya Navnetewî (IMF) roja Sêşemê ragihand ku şerê li Rojhilata Navîn metirsîya enflasyon zêde dike û geşedana aborî lawaz dike.
IMF pêşbînî dike ku geşedana aborîya cîhanî dê di sala 2026'an de bi rêjeya 3.1% û di sala 2027'an de jî bi rêjeya 3.2% kêm bibe. Ev rêje jî bi 3.4% ji ya sala 2025'an de kêmtir e.