Artêşa Îsraîlê îro Pêncşemê ragihand ku ew vekolînê li ser îhtîmala kuştina rêberê Hamasê Yahya Sinwar dike ku yek ji plankerên êrîşa 7ê Cotmehê ya dijî Îsraîlê ye.
Artêşa Îsraîlê got ku di vê qonaxê de nasnameya wî mijare were piştrast kirin.
Îsraîl di demên dawî de jimareke fermandarên Hamasê li Gazayê û herwiha berpirsên payebilind yên Hizbullahê li Lubnanê kuştine ku di nava wan de rêberê navdar yê Hizbullahê, Hesen Nasrallah jî heye û zararên mezin dane her du dijminên xwe.
Hêjayî balkişandinê ye ku Hamas li ser çarenivîsa Sinwar, ku navê wî di deverên dawîyê de wek rêberê nû yê Hamasê derketibû pêş, heta niha ti daxuyanî nedaye.
Ger mirina Sinwar were piştrast kirin, girjîya li Rojhilata Navîn hîn kûrtir be ku tirsa xeterîya şerekî berfireh yê herêmî gelek xurt e.
Piştî êrîşên muşekî yên Îranê yên dijî Îsraîlê, bendawrî heye ku Îsraîl êrîşeke tolhilder li dijî Îranê pêk bîne û Tehranê jî îro hişyarî dabû Îsraîlê ku tiştekî wiha neke yan tuyê rûbirûyê bersîvdaneke xurt bimînî.