Serkeftinên Kurdan li beramber çekdarên Daiș li herêma Kurdistana Îraqê û li Kobaniyê bala welatên mezin li cîhanê kișandin û dîblomasiya Kurdî li ser gelek astan pêşxistin. Di van demên dawî de jî hin serkirdeyên Kurd ji aliyê hin welatan ve hatin vexwendin û pêșwazîkirin.
Nivîskarê Kurdê Sûrî Salih Ce’fer ku li Holenda dimîne di vê derbarê de ji Dengê Amerîka re ragihand ku Kurdan di șerê dijî Daiș de, ji cîhanê re dupat kirin ew xelkekî aștîxwaze û bi çi șêweyî rê nade hêzên tarî ku derbasî gund û bajarên wan bin.
Ce’fer her wiha pêwîstî da wê yekê ku Kurd di navbera xwe bi xwe de li hev bikin û nebin bend li pêș hev di tevgerên xwe yên dîblomasî de.
Ji bo guhdarîkirina li hevpeyvînê, faylê deng veke
