Li gundewarên Kobaniyê şer di navbera şervanên Kurd û Artêșa Azad ji alîkî ve û çekdarên DAIŞ ji alîkî din ve berdewam e. Li gor çalakvanan, hêza Kurdî doh hin gundên din ji bin destê DAIŞ rizgar kirin.
Sernivîserê malpera Welatî li Kobaniyê Zara Misto, ji Dengê Amerîka re ronî da ser rewșa niha ya wan gundan û got:
“Çekdarên DAIŞ bi hemî hêza xwe hewil didin gundên nêzîkî Girê Sipî ji bin destê wan dernekevin. Ew baș dizanin rizgarbûna Girê Sipî dê her du herêmên Kurdan Kobaniyê û Cizîrê bigihîne hev.”
Misto her wiha bal kișand ser hin agahî li dor planên DAIŞ bo avakirina eniyekê li gel grûpa Cebhet el –Nusra dijî Kurdan li Efrînê û Kobaniyê.
Ji bo guhdarîkirina li hevpeyvînê, faylê deng veke
