Wezareta berevaniya Amerîka( Pentagon) dibêje ew bawere serkirdeyê Daiş yê bi navê Imer el-Şîşanî di êrîşekê de 4ê vê mehê hatiye kuştin.
Şîşanî li gel 12 kesên din bawere hatine kuştin li Şedadê ku niha di bin destê Kurdan de ye.
Serokê nivîsîngeha pêwendiyan a desteya berevaniya kantona Cizîrê Nasir Haj Mensûr di hevpeyvînekê de li gel Dengê Amerîka ev babet şîrovekir û got:
“Herçendî Kuştina el-Şîşanî bandorê dide ser hêza Daiş ji aliyê moralî ve, lê ew encamên mezin dernaxe holê eger nebe siyasetekê ji aliyê koalisyona navnetewî ve ku jimareke mezin ji serkirdeyên Daiş bikuje.“
Haj Mensûr ku li Qamişlo dimîne bal kişand ser rola hêzên leşkerî yên Kurd di vê derbarê de û beşdarnekirina wan li kombûnên Cinêv wek neheqiyekê anî ziman.
Ji bo guhdarîkirina li hevpeyvînê faylê deng veke
