Peyvdarê Hêzên Sûriya Demukrat(HSD) Telal Silo îro ji ajansa Reuters re ragihand ku ew dê red bikin tevlêbûna Tirkiyê di operasyona pêşbîn a rizgarkirina bajarê Reqqayê de li Sûriyê, û wî got,” Dê HSD tenê hêza beşdar be di şerê rizgarkirina Reqqa yê de.”
Rawêjkarê HSD Nasir Haj Mensûr, di hevpeyvînekê de li gel Dengê Amerîka axaftinên Silo piştrast kirin û got:
“Em wek HSD, ne tenê beşdarbûna Tirkiyê di vê operasyonê de red dikin, belê em hebûna wê li Sûriyê bi tevahî red dikin û wek dagîrkerî dibînin.“
Mensûr ku li bajarê Qamîşlo dimîne, dibêje:
“Ne tenê em wek Kurd belê xelkê Ereb jî hebûna Tirkiyê li Sûriyê red dikin û ez bawerim hevalbendiya navnetewî dê rê nede Tirkiyê tevlî operasyona dijî Daiş be.“
Ji bo guhdarîkirina li hevpeyvînê faylê deng veke
