Generalekî Îranî dibêje berevaniya esmanî ya welatê wî huşdarî da balafir û firokên bê firokvan ên Amerîka li aliyê başûrê welêt di rahênanên leşkerî de li wir.
Ajansa nûçeyan a nîv fermî ya Îranê Tasnim îro çarşemê ji ser zimanê General Abbas Farajpour ev idîaa ragihand ku gotibû:
“Di sê rojên borî yên rahênana leşkeri de berevaniya esmanî huşdarî da 12 firokan da ku ji esmanê Îranê dûr bimînin.“
Pêwendiyên li gel Bingeha 5em a deryayî ya Amerîka li Behrênê biserneketin.
Di van mehên dawî de bingehê hin gazind hebûn li dor leşkerên Îranê li esman û deryayê li wan navçeyan.
Roja duşemê,Yekîneyên berevaniya esmanî ya Îranê dest bi çalakiyên leşkeri kirin bi belavbûna 17 hezar kesayetiyên leşkeri li ser 496 hezar km çargoşe li başûrê Îranê.