Neteweyêt Yekgirtî dibêjetin bi milyonan qurbanîyên lehîyan li başûra Asyayê li benda alîkarîya mirovahîyê ne, li demê ku tirs heye ji belavebûna malerya, ta û nexweşîyên dî yên jiber ava şolî dirust dibin.
Sindoqa Alîkarîya Diravîya Zarokan û Rêkxistîya Saxlemîya Cîhanê dibêjin xelkê dabirî li Hindistan, Pakistan û Nepalê gelek pêdivî bi xwarin û vexwarinê heye û cihê vehewandinê.
Ew ajans dibêjin bêhtir tirs li ser zarokan heye. Texmîn heye ku 30 milyon kes li hersê welatan bê cih û war mabin jiber lehî û avrabûna ji encamê baranên gelek boş.
Bakûr û rojhilata Hindistanê bêhtir ji her cihekî dî ber zîyanê keftîye û bêhtir ji 1300 kesan mirine, her ji demê barana li meha şeş-Xizîranê destpêkirî.
Rûbarên bi barana rabûyn, bi sedan kes li Bangladeş û başûra Nepalê kuştine. Bizavên hewarçûnê gelek bi zehmet jî bûne jiber ku rêk û gund di ber avê de mane. Hinek alîkarî bi rêka firokan gihîştine qurbanîyan û raport dibêjin bi sedan hezar kes li benda xwarin, ava paqij û hewangehan e.