Serokê Herêma Kurdistanê li bakora Iraqê Messud Barzanî daxaza danûstandinê digel Tirkîye diket û soz da berevanîyê li Herêma Kurdistanê biket eger hêriş ser bête kirn.
Serokatîya Herêma Kurdistana Iraqê di beyannamekê da helwêsta fermî ya xwe ragehand biramberî biryara perlemanê Tirkîye ya roja Çarşembî ku rêk da leşkirê Tirkî biçîte nav Iraqê bu ravedûnana çekdarên Partîya Karkerên Kurdistanê, PKK.
Di beyannamê da hatîye ku Herêma Kurdistanê berpirsyar nîye li şerê nêvbera Tirkîye û PKK û piştevanîya şer, tond û tîjî û xwînrijyanê naket.
Serokatîya Herêmê herwesa harîkarî kirna PKK ret diket û daxaza çareseryeka aştîyaneya kêşê diket.
Hevdem, hevwelatîyên Kurd li bajêrê Hevlêr li Kurdistana Iraqê leşkirkêşîya Tirkîye ret diken.
Bu pêzanînên zêdetir, fayla dengî ya servey vî perî kilik bike, raporta peyamhinêr Omer Ferhadî li Hevlêrê.
