Welatên
Yekgirtîyên Amerîka û Yekîtîya Ewropî sengî û giranîyê dixine ser Rusya û
Gurcistanê bo bi domahî înana şerrê wan li ser Ossetia Başur.
Wezîrê Derveyê Fransayê Bernard Kouchner û Wezîrê Derveyê Finlandîyayê Alexander
Stop duhî yekşembîyê digel serokê Gurcistanê Mikhail Saakashvili kom bûn.
Herdu wezîran gotin ew naxwazin gazinda ji çi alîyekî bikin lê gotin pêdivî bi
agirbestê û harîkarîya mirovanî heye.
Birêz Kouchner û Stop nexşa seredana Moskow îro duşembîyê yêt heyîn.
Karbidestên Amerîkî nîgeranin li ser vê kêşê û
cîgirê serokê Amerîkî Dick Chaney karên Rusya li Gurcistanê bi karekî
dijminkarî nasand û daxwaza vekêşana hêzên leşkerî yên herdu alîyan kirin bo
wan ciha ewên jiberî şerrê eynîyê lêbûn.
Gurcistan dibêje firokên Rusya deverên dewr û berên Tiblisi payetextê
Gurcistanê bombebaran kirin lê Rusya dibêjit Gurcistan berdewam e bombebaran
kirina bi armanca Ossetia Başur, sereray daxwaza hikumeta Gurcistanê bo
ragirtina şerrî.