Bi hêrîşeka xwekuj bi qamyoneke bombekirî li gundekî Kurdan
li nêzîkî Musilê li bakûra Iraqê pitir ji 23 kesan hatîne kuştin û gelekî dî jî
birîndar bûne.
Peyamnihêrê Pişka Kurdî ya Dengê Amerîka Emîr Goran li Musilê radigihîne û
dibêje
Bi teqandina otomobîleke barhilgirî bombebarkirî li gundekî
Kurdan yê bi navê Werdek li rojhilata Musilê bi kêmî ve 23 kesên sivîl hatine
kuştin û zêdeyî 29 kesên din jî birîndar bûne.
Polîsê qezaya Qaraqoş ragihand ku hêrîşbir bi rêya maşîneke bombhilgir li
tamamê demjimêr 12ê nîvêşevê li naverasta gundê Werdek yê ser bi qezaya Qaraqoş
xwe û otomobîla xwe ya bombebarkirî teqandîye ku nêzîkî 16 xanî jî jiber wê êrîşê
hilweşîyane.
Polîs herwisa dibêje hewla teqandina otomobîleke dinî bombebarkirî jî hebû li
heman gundî belê paş kuştina terorîstê xwekuj ji alî hêza pêşmerge ve hêrîşa
duwê hatîye pûç kirin.