Karbidestên Pakistanî dibêjin operasyona leşkerê pakistanî dijî çekdarên Talîbanê li herêma Wezîristana Başûr destpêkir.
Peyvdarê leşkerê Pakistanî ceneral Esar Ebbas birêveçûna wê operasyonê piştrast kir.
Nizîkî 30-hizar serbaz li sê berokan hêrişê dikin ser nizîkî 10-hizar çekdaran. Herweha firoke û helîkopterên lekşerî hêrişê dikin ser armancên çekdaran li wê herêma nizîkî sinûrê Afganistanê. Bi kêmî ve pênc serbaz di wê operasyonê de hatin kuştin.
Operasyona leşkerê Pakistanî piştî zincîreka hêrişan e li bajêrên Pakistanî ku yên bûne sedema kuştina 175 kesan.
Hikûmet çekdarên Talîbanê li Pakistanê berpirsyar dike biramberî wan hêrişan, ku bingehê wan li herêma Wezîristana Başûr e.
