Sekreterê Giştîyê NATOyê Fogh Rasmussen dibêjît welatên
endamên NATOyê piştevanîya stratejîya nû ya serok Barack Obama bo Afganistanê
dikin û bi kêmîve 5000 sebazên zêdetir dihinêrine wî welatî yê bi şerr
wêranbûyî.
Berpirsê NATOyê evro çarşembîyê li Brukselê got pêdivîye hemwelatên NATO
bizavên zêdetir bikin li şerrê dijî Talîban û El Qaîde, eger bivêt Afganistan
bi dirustî tenha bit.
Hevdem Talîbanê ragihand ku hinartina serbazên nêvnetewîyên zêdetir bo
Afganistanê bi tenê hêza berevanîya Talîbanê bi hêz dike.
Herwiha Sekreterê Giştîyê Neteweyên Yekgirtî Ban Ki Moon got biryara serok
Obama bo hinartina 30 hezar serbazên zêdetir biryareka zor zehmet e belê pêdivî
bû.
Kumandarê Hêzên Amerîkî û NATOyê li Afganistanê General Stanley McChristal got
eşkerayî pêgirî û rijdî li gotara serok Obama hatin bahs kirin ku zor girîngin ji
bo jinav birina hewangehên terorîstan ku yêt bûyîne gefe bo ser tenahîya herêmê
u cîhanê.