Karbidestên Amerîkî û Pakistanî dibêjin di operasyoneka nepeniya hevbeşa Amerîkî-Pakistanî, komandarê bilindê Talîbanê yê Afganistanê li bajarê Karaçî ya Pakistanî hat desteser kirin.
Karbidest dibêjin komandarê Afganî Mela Ebdul Xenî Berader, karbidestê jimare du yê Talîbanê ye, piştî damezrênerê Talîbanê Mela Mûhemed Omer.
Karbidest dibêjin Berader mezintirîn karbidestê Talîbanê ye ku ewêy destpêka şere Afganistanê li sala 2001 bihêt desteser kirin.
Talîban li Afganistanê ragehand ku nûçeya desteser kirina Berader ne raste.
Karbidestên agehî yên Pakistanî û Amerîkî dibêjin nuha lêvekolîn lige Berader dihêt kirin, ku berpirsê operasyonên çekdarîyên rojane û serokê civata siyasî ya Talîbanê ye.
