Rêveberê bilindê Emerîkî li Iraqê dibêjit piştî 30 meha 6 desthelat dikevite dest hikumeta nuî, hêzêt parastina Iraqê neşên bitinê bersîngê gefa rawestin. Paul Bremer dibêjit serhatîyêt li dû heyvêt borî qewimîn wekû wî serhatîyê ku hêzêt Iraqî neşyayn rêkê li şerkera bigrin demê hêriş kirîne ser polîsxana û avahîyêt hikumetê û got serhatîyêt wesa nîşa diden ku Iraqê hêşta pêtivî bi harîkarya derve heye. Bi alîyekê dîve, peyvdarekê zanayê olî yê Şî'êt tund rê Muqteda el-Sedir dibêjit bi helkeftina kuça dumahî ya pêxember Muhemed (silavêt xudê li ser bin) milîtanêt li bin kontrola wî iro û suba dê zêrevanîyê li şer westanê li bajêrê pîrozê Necef kin.