Serokwezîrê Îraqê Heyder Abadî îro Pêncşemê pêşnîyara Herêma Kurdistanê ya cemidandina encamên referandumê red kir û daxwaza pûçkirina wan encaman kir.
Abadî di daxuyanîyeke nivîskî de got ku hikûmeta wî dê tenê betalkirina referandumê û rêzgirtina qanûna bingehîn ya Îraqî qebûl bike.
Beşdarên referandumê bi awayekî pir xurt piştgirî dabûn referanduma serxwebûnê, lê Abadî ew referandum wek neqanûnî îlan kiribû û hêzên xwe şandibû herêmên bin kontrola Kurdan.