Şêwirmendê Ewlekarîya Neteweyî yê Qesira Sipî Jake Sullivan bi rêka telefonê bi rêberên Azerbaycan û Ermenistanê re axifî.
Qesira Sipî bi daxuyanîyekê ragihand ku girjîya dawî ya Azerbaycan û Ermenistanê fikaran çêdike.
Li gor daxuyanîyê, Sullivan ji rêberan re gotiye tevgerên leşkerî yên sînorên ne dîyar paşguhkirina berpirsîyan û sorkirin e.
Sullivan daye zanîn ku Azerbeycan û Ermenistan bo dîyarkirina sînorên navneteweyî divê hevdîtinên fermî bikin û Amerîka jî piştgirîya lihevkirina herêmî dike.
Ermenistanê dîyar kiribû ku artêşa Azerbaycanê ketiye axa wê û dest bi lêpirsînê kiribû.
Karbidestên Ermenistanê dabûn zanîn ku wan rê li ber pêşketina eşkerên Azerî girtine û binpêkirina sînoran rawestandine.
Azerbeycan îdiayên karbidestên Ermenistanê red dike û dide zanîn ku ew li sînor bi tenê ewlekarîya xwe xurt dike.