Jiber metirsiya belavbûna vîrusa Korona, tixtor, karmendên saxlemiyê û hin rêxistinên sivîl li bajar û deverên Kurdî li Tirkiyê, xebatên hişyariyê û alîkariyên tendirustiyê pêşkêşî civakê dikin.
Dr. Ibrahîm Esaad, ku li bajarê Batmanê xebatên pizişkiyê dike, dibêje ku jibo rênedana korona xebatên baş ji aliyê tixtor, rêxistin û şaredariya bajêr hatine kirin.
"Xebatên wek qedexekirina kombûnên mezin, ji zemawend, sersaxî, şahî, çayxane û ta dîbistanan jibo pêşîgirtina korona jî baş in."
Dr. Esaad hişyarî dide ku pizişk û karmendên saxlemiyê di metirsiya pêşîn de ne, jiber ku ew hember korona di eniya şer de ne.
"Divê ku hikûmet alîkariya pizişk û karmendên saxlemiyê bike ku ew ji nexweşîya korona werin parastin."