Karmendên biharîçûnê li bin avahiyên heriftî li dû qurbaniyan digerin, piştî erdhejîna vê heftiyê ku bû sedema mirina 617 kesan û bê mal mana bi hizaran kesan.
Bi kêmî ve 10,000 kes birîndar bûn û 300 kes bê ser û şîn in piştî erdhejîna bi hêza 6.9 li roja Çarşembî.
Bi deyan mal û xandingeh li herêma Jinghay wêran bûn, rêkên hatin û çûnê ji nav çûn û hêlên telefon û eliktirîkê qetiyan. Ajansa fermî ya Jînhwa ya Çînî ragehand ku 66 xwendevan û 10 mamosta li erdhejînê hatin kuştin.
Hikûmeta Çînê nêzîkî 5-hizar serbaz û karmendên saxlemî hinartin cihê erdhejînê.